Читать книгу Иж буенда кала эзләрем / Иж – моя колыбель - Чингиз Мусин - Страница 12

Карлар эри, ташу басар,

Гөлдем тавы алалана.

Сизелми дә ага гомер

Бу тынгысыз заманада.

Гөлдем тавы күпне күргән,

Гөлдем ягы – изге урын.

Яшь наратлар тып-тын калып

Тыңлый кебек гасыр җырын.

Заманында бу якларга

Ябырылган дошман явы.

Дәверләрнең язмышына

Шаһит булган Гөлдем тавы.

Килер көннәр – кара пәрдә,

Тынамы соң заман шавы?

Манараны кискәндә дә

Сыкрагандыр Гөлдем тавы.

Гөлдем ягы яшел үзән,

Гасыр эзе үрләрендә.

Буыннарның фаҗигасе

Якташларның йөрәгендә.