Читать книгу Казан – Мәскәү / Казань – Москва - Ленар Шаех - Страница 38

Песнәк килгән тәрәз каршыма:

«Сөйгәнеңнән хәбәр бар», – диме?

«Яннарына оч син, бар», – диме?.. –

Бүлмә хәзер миңа тар сыман.

Нәни песнәк шакый тәрәзгә:

«Ник көтәсең, ике уйлама,

Ул да көтә, ул да уйлана». –

Түземлегем җитәр бик әзгә.

…Песнәк булып очтым яныңа.

Алда – сине күрер мизгелләр,

Уңга-сулга сибәм тик гөлләр,

Яз китереп көзләр таңына.