Читать книгу Еракка китеп кара = Взгляни издалека - Мөдәррис Әгъләмов - Страница 50

Атлар китә, атлар китә…

Ат чабышы…

Зеңләп торган тоякларда

Ил тавышы…

Картлар уйчан.

Яшьләр билгә

Таяналар…

Картлар уйчан, атлар бик аз,

Кайда алар?

…Атлар килә, атлар килә,

Ат чабышы…

Зеңләп торган тоякларда

Ил тавышы.

Картлар уйчан, саулык киткән

Ил хакына…

Картлар уйчан, текәлгәннәр

Йөк атына…