Читать книгу Еракка китеп кара = Взгляни издалека - Мөдәррис Әгъләмов - Страница 55

Бер туңдыра, бер яндыра,

Үзе һаман уйландыра:

«Элек алган биеклектән

Бер адым да төшмәдеңме?

Кылган эшең кай тарафка?

Халкың өчен эшләдеңме?»

Уйландыра…

Бер туңдыра, бер яндыра,

Сөрән салып бер чаң тора:

«И бала, онытмадыңмы

Кайдан чыгып киткәнеңне?

Кичә кай ноктада булып,

Бүген кая җиткәнеңне?»

Уйландыра…

Бер туңдыра…

Бер яндыра…