Читать книгу Казан – Мәскәү / Казань – Москва - Ленар Шаех - Страница 74

Дым астында басып торам –

Көзге яңгыр уртасында.

Соры-кара болытларны

Умырасы, ертасы ла…

Ташка бассаң – суы чыга,

Күпме була сибәләргә?

Көн-төн буе коя-коя,

Йөрәгемне телгәләргә?..

Соры көзнең күз яшьләре

Бетмәсә дә бетми икән.

Өянкенең ботаклары

Күшегүдән суга тигән…

Түбәләрдән тамган тамчы

Тып-тып килеп гомер саный.

Болай елак булмас иде

Ак биләүдә яткан сабый…

…Моң эчендә басып торам,

Җанда рәхәт, җанда җылы…

Саф мәхәббәт, сөю көче

Көзге яңгырлардан олы!..