Читать книгу Казан – Мәскәү / Казань – Москва - Ленар Шаех - Страница 84

Язлар белән күңелләргә Тукай кайта,

Пар атларда Казанына килгән кебек…

Бөтен халык телсез калып карап тора,

Бар кайгысын, мәшәкатен җиңгән кебек…

Каеннарда берәм-берәм бөре төртә,

Күңелләрдән саркып чыккан хисләр кебек…

Шигъри ямьне, пәйгамбәрне көткән чакта,

Сизгер йөрәк түзмәс, әллә нишләр кебек…

«Пар атларда Тукай кайта!..

         Тукай кайта!..» –

Ераклардан балкып торган изге кыйбла.

Иман сызлар…

     Имансызлар соң минутта

Тукаеның каршысына килеп егыла.