Читать книгу Еракка китеп кара = Взгляни издалека - Мөдәррис Әгъләмов - Страница 28

Үлемтеккә җыйган әйберләре

Бәйләм-бәйләм, кисәк-кисәкле…

Курка-курка ачты ул сандыгын,

Курка-курка гына күрсәтте.

Таратты да элмә чигешләрен,

Җәеп салды Казан сөлгесен:

– Менә моны әни чиккән иде,

Ә монысы – минем кул эшем,

Хәситәсен әби тезгән булган,

Ә монысын – әти ясады…

…Тезеп китте шулай,

Күзгә карый

Хәситәләренең ахагы…

…Җыр юлында, тормыш юлында да

Инде бераз гомер ителде…

Ачтым сезгә күңел сандыгымны,

Курка-курка, әби шикелле.