Читать книгу Еракка китеп кара = Взгляни издалека - Мөдәррис Әгъләмов - Страница 34

Актарылып-актарылып ауган

Агачларның

Тамырларын гына күр әле!

Әйләнер дә, әйләнер дә туктар

Күз карашым,

Һәрбер чаты аның Шүрәле…

Актарылып-актарылып ауган

Агачларым

Йөрәгемнән кубарылганмы?

Һәр көн саен, һәр көн саен шулай

Күз карашым

Капшап чыга чиксез урманны…

Актарылып-актарылып ауган…

Тик сабырлар…

Безгә охшаганнар лабаса…

Син кем җиргә? Күккә кулын сузган

Шул тамырлар

Шүрәледәй кытыкламаса…