Читать книгу Мәхәббәтле көзләрем / Осень, полная любви - Роберт Миңнуллин, Роберт Миннуллин - Страница 100

Ничә көннәр ятам инде

Мин түшәмгә карап.

Әгәр болай озак ятсам,

Минем эшләр харап…

Булмый болай ятуымны

Берничек тә аклап…

Мин түшәмгә карап ятам…

Түшәм монда ап-ак.

Аклык та арыта икән,

Булмый озак карап.

Минем болай ятуларым

Китте озаккарак…

Үз-үземне тиргәп ятам…

Ахмак, димен, ахмак…

Дөнья тормый актан гына,

Түгел шул ул ап-ак…

Әлбәттә, аклык – яктылык,

Чисталык һәм пакьлек!

Аклык та арыта икән…

Менә сиңа аклык…