Читать книгу Мәхәббәткә генә ышанам… - Тамара Ганиева - Страница 33

– Яшәү шундый гади:

Яраклашкан

Җан асрауга, нәсел озайтуга.

Дөнья әзер түгел синекедәй

Чик-чамасыз ихлас яратуга.

Үз коесы аңа океан әле,

Үз кальгасы калып капылт-кара. –

Ул бер мәлгә дертләр дә онытыр,

Җаның җиһаннарга атылганда.

Килдең исә нык яраткан җиргә,

Китәчәксең кире кайтмас өчен.

Бүтән биеклеккә күчкәч кенә

Бәһаләнер шатлык, көенечең.

– Күңелкәем хәзер үк шөһрәт сорый,

Бу ваклыктан ничек котылырга?

– Яшәү үкенече –

Тоташ Галәм

Кендегемә минем тоташкан, дип

Отылуда.